يحول الوقت مابين الكلام ورغبة الاقلام مـ هي حالة ملل او قلة اوراق وحبر وهموم ولاهي قلة افكار ووجع دنيا بشكل ٍ عام بـّعض الاحيان احساس البشر من همها معدوم نشوف العمر ساعه من رمل حباتها الايام تزيد وماشعرنا بنقصها وليومنا المحتوم مع الصمت ومشاعر جلدنا للذات صرنا صيام ياليت بصومنا شمنا عن الاجر وجرحنا الصوم وانا احساسي غريب ومضطرب عـ الحال لي كم عام اخاف اقول \"مدري\" والنتيجه امرها محسوم حشى مااقولها الا بقول ان الشعر صمام امان وكلمة الحق بتقال ولو على الحلقوم واذا صار الشعر ميدان حرب وشمرت الاكمام فـ انا اول من فتح صدره قصيد لخنجر ٍ مسموم ملقح فكرتي من دم قلبي وانتجت لي غلام يموت بفلسفة حب الوطن ويعيش رجوى حلوم ولكنه تضايق من كثر مااعيشه بـ احلام اجل يختار لي حلم ٍ على ذوقه نعيشه دوم مدام ان النقاب اللي ستر ساره يدوسه سام جميع احلامنا تشبه بعضها بـ اختلاف السوم تهاوى من شرف طهر وعفاف وعطر الاقدام مثل ماعطر افواه الجراد الجايع اليشموم يـ صغر الارض يـ ضيق السما من دمعها لا هام يـ كثر ذنوب خلق الله من عيون ٍ بكت مظلوم يحس ان الامل زرع ٍ علينا ناكله قدام ولكن الامل كسرة خبز تستكثر المقسوم كتب بعيونهم :هذا الوفا يامعشر الاقزام رسم بجباهنا لوحة : وطن ياعشقي المحموم ترك ايتام لا مامات عنهم مير هم ايتام ولو ان الممات يطهر الشخص بلقب مرحوم يموت ومايخونك ياوطن يامنبع الاسلام يـ اطهر بقعة يختارهالموت لقبور قروم يـ شمس الكون يابسمة نشيد الصبح للاعلام سنابلك الذهب ترقص فخر من بذرها الموسوم لـ عينك صبر ابوي وجل دمع امي ضحى وعسام علـ اول ضحكة ٍ لـ اطفالي السته لـ اخر يوم ولائاً لك مع سمع ٍ وطاع لخيرة الحكام نسوق ارواحنا لا مانهاب ولا علينا لوم وطن كلي حيا وانت الوحيد اليا طلبته قام امانه لاتخلي من نذر نفسه وفا مضيوم

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

قصيده في قمة الروعــــه
صح لسانك شاعرنا
دائما تمتعنا بقصائدك
ننتظر جديــدك

اخوك / بو خالد من قطر

مبدع كعادك يابواحمد

وصح لساانك

قصيدة في قمة الانسانية والجمال